ШҚО-да биыл 600 шақырым жол жөнделген

Биыл республикалық маңызы бар 392 км автомобиль жолының жөндеу жұмыстары басталды, оның 110 км-і аяқталды, деп хабарлайды Устинка LIVE тілшісі.

Облыстық және аудандық маңызы бар жолдарға бөлінетін қаржы 7 млрд теңгеден 15 млрд теңгеге дейін екі есе артты. Ал ауылдар мен елді мекендердегі көшелер мен жол құрылымдарын жөндеуді қосқанда 31,5 млрд теңге жұмсалды. Нәтижесінде 600 км жол жөнделді, - дейді ШҚО әкімі Ермек Көшербаев.

Тұрғындары аз 79 ауылдың бұған дейін жөнделмеген орталық көшесін (120 км) жөндеу және жарықтандыру (6,9 млрд теңгеге) жұмыстарын кезең-кезеңімен жүргізу жоспарланған. Биыл 9 ауылда асфальт төселген, оның ішінде 4 ауылдың орталық көшелеріне жарық тартылды.