Өскемен мен ШҚО ШҚО әкімі уақыт белдеуінің өзгеруіне байланысты пікір білдірді
Уақыт белдеуінің өзгеруі қолайсыздық тудырғаны жайлы жергілікті халық жиі айтып жүр
Бүгін Орталық коммуникациялар қызметінің Өскемендегі көшпелі брифингінде ШҚО әкімі Ермек Көшербаевқа БАҚ өкілдері осыған байланысты сұрақ қойды, деп хабарлайды Устинка LIVE тілшісі.
Облыс әкімі шығысқазақстандықтардың жаңа уақыт белдеуіне бейімделуі үшін барлық шаралар қарастырылатынын айтты.
Әрине, тұрғындар тарапынан қолайсыздықтар жайлы естіп жатырмыз. Әсіресе, балалары мектепке күн шықпай барып, қас қарайғанда қайтады деп алаңдаулы. Уақыт белдеуін өзгерту жергілікті биліктің құзыретіне кірмейді. Бұл шешімді Үкімет қабылдады, ал біз оны орындауымыз керек. Дегенмен, тұрғындардың пікірін тиісті министрлікке жеткіздік, - деді облыс әкімі.
Ермек Беделбайұлы уақытқа байланысты өзгеріске үйрену керектігін айтады.
Облыс халқының жаңа уақыт белдеуіне бейімделуін жеңілдету шараларын ойлауымыз керек. Мүмін әлеуметтік нысандардың жұмыс кестесін қайта қарастырып көрерміз. Жан-жақты зерттеу жүргізу қажет. Бір айдың ішінде бір шешімге келермі, - деді өңір басшысы.
