Өскемен мен ШҚО Қазақстандағы ең әдемі ару Өскеменде тұрады
Алматы қаласында «Қазақстан аруы - 2024» республикалық сұлулық байқауы өтті
Байқау қорытындысы бойынша 20 жасар өскемендік ару Бағым Балтабаева жеңіске жетті, деп хабарлайды Устинка LIVE тілшісі.
Бағым Балтабаева Сәрсен Аманжолов атындағы ШҚУ студенті. Ол «бастауыш оқытудың педагогикасы және әдістемесі» мамандығы бойынша білім алып жатыр.
Еліміздің ең сұлу атағын алуға 20 ару бақ сынасты. Байқауға барлығы екі мыңнан астам қазақстандық өтініш берген. Айта кетейік, осыған дейін «Қазақстан Аруы» мәртебесін Өскемен 20 жыл бұрын иеленген.
Бағым Балтабаева бірінші оқу күнінен бастап қоғамдық жұмыстарға белсене қатысып, өзін көрсете білді. «Алтын белгі» иегері, әртүрлі конкурстар мен олимпиадалардың қатысушысы. Бағым – сұлулық пен тәрбиенің, табандылықтың және зияткерліктің үйлесімді үлгісі. Студентіміз болашақта өз саласының жоғары санатты білікті маманы болады деп сенемін, - деді ЖОО ректоры Мұхтар Төлеген.