ШҚО-да 6 бас ірі қара ұрлағандар 5 жылға сотталуы мүмкін

Мал шығыны шамамен 2,5 млн теңгеге бағаланды, деп деп хабарлайды Устинка LIVE тілшісі.

Жедел уәкілдер қылмыс жасалған түні күдіктілерді "Омбы-Майқапшағай" тасжолында тасымалдауға әрекеттеніп жатқан кезде ұстаған, - деп хабарлайды ШҚО ПД. - Тергеу барысында үш азамат облыс аудандарының бірінде еркін жайылымынан алты ірі қара малды ұрлап, алдын ала дайындалған қораға айдап әкеткені анықталған.

Ұрлық фактісі бойынша қылмыстық іс қозғалды. Қылмыс жасаған азаматтар қамауға алынып, олар бес жылға дейін бас бостандығынан айырылуы мүмкін. Полицейлер олардың осыған ұқсас басқа да ашылмаған қылмыстарға қатысы бар-жоғын тексеруде.

Шығыс Қазақстан облысының Полиция департаменті облыс тұрғындарын мал ұрлығын болдырмау үшін жануарларды міндетті түрде таңбалап, мал басын бақылау және мониторинг жүргізу үшін заманауи технологияларды енгізу қажеттігін ескертеді.