Өскемен мен ШҚО Алтайлық мұғалім еліміздегі үздік он ұстаздың қатарында
Астана қаласында "Қазақстан мұғалімі" ұлттық премиясы аясында "Әлемдік білім апталығы" өтті
Алтай ауданы №7 орта мектебінің информатика пәнінің мұғалімі Салтанат Садықова Қазақстандағы үздік он мұғалімнің бірі болып танылды, деп хабарлайды Устинка LIVE тілшісі.
Байқауға кез келген бастауыш және орта мектептер, гимназия мен лицейлер, жеке және мемлекеттік мектептер мұғалімдері қатыса алады. Білім беру саласындағы доданың жүлде қоры 20 миллион теңгені құраған. Ондыққа енген ұстаздарға 1 миллион теңгенің сертификаттары табысталды.
Алтай ауданы №7 орта мектебінің информатика мұғалімі Салтанат Садықова Қазақстанның ТОП 10 үздік мұғалімдерінің қатарына енді. Құттықтаймыз, тек жаңа жетістіктерге, тек алға! - деп құттықтады ШҚО білім басқармасының басшысы Инесса Чернышева.