Өскемен мен ШҚО ШҚО-да мектеп мұғалімі жалған дипломмен жұмыс істеп келген
Катонқарағай ауданындағы мектептердің бірінде дене шынықтыру пәнінің мұғалімі жалған дипломмен сабақ беріп келген
Фото:
pexels
Катонқарағай аудандық соты педагогке қатысты үкім шығарды, деп хабарлайды Устинка LIVE тілшісі.
Аудандық сот Қылмыстық кодекстің 385-бабы бойынша тіркелген істі қарады. "Дене шынықтыру және спорт" мамандығы бойынша жалған диплом сатып алған азамат ауылдағы орта мектепке мұғалім болып орналасып, 2022 жылдың қыркүйегінен 2024 жылға дейін сабақ беріп келген, - деп хабарлады Катонқарағай аудандық соты.
Кінәсін толық мойындағандығы және жасаған ісіне өкінетіндікі есепке алына отырып, сот мұғалімнің жазасын жеңілдетті. Дене шынықтыру пәні мұғалімі 36 920 теңге айыппұлмен құтылды.