Өскемен мен ШҚО Риддерде 10 миллион теңгенің тыйым салынған тауары тәркіленді
Риддер қаласындағы жедел уәкілдер 900-ден астам электронды темекіні тәркіледі
21 жастағы күдікті тыйым салынған тауарды жергілікті тұрғынға сату кезінде қолға түскен, деп хабарлайды Устинка LIVE тілшісі.
Риддер тұрғыны қойма ретінде пайдаланған ғимараттан шамамен 10 миллион теңге тұратын 916 электронды темекі тәркіленді.
Аталған дерек бойынша сотқа дейінгі тергеу басталды. Күдікті товарды мессенджер арқылы сатып алып, кейін өзі сатуды көздеген, - делінген ШҚО ПД ақпаратында. - Қолданыстағы заңнамаға сәйкес, бұл құқық бұзушылық үшін күдіктіге 200 АЕК-ке дейін айыппұл, дәл сол мөлшерде түзеу жұмыстары мен 200 сағатқа дейін қоғамдық жұмыстар немесе 50 тәулікке дейін қамау жазасы тағайындалуы мүмкін.
Айта кетейік, биылғы 20 маусымнан бастап заң күшіне енгеннен кейін Шығыс Қазақстан облысының полицейлері 2200-ден астам вейп, 540-тан астам хош иістендіргіш пен сұйықтық, 54 темекі өнімі, 240 картридж және 56 буландырғыш тәркіледі.
Заң күшіне енгеннен бастап 11 қылмыстық іс тіркеліп, 4 іс бойынша айыптау үкімі шықты. Кінәлілерге жалпы сомасы 150 АЕК көлемінде айыппұл салынды.