Өскемен мен ШҚО Бірыңғай уақыт белдеуі өзгеріссіз қалады
Үкімет отырысында Премьер-министр UTC+5 уақыт белдеуі өзгермейтінін айтты
1 наурыз күні Қазақстан бірыңғай уақыт белдеуіне көшті. Қазір ел аумағында 5-уақыт белдеуі (UTC+5) қолданылады, деп хабарлайды Устинка LIVE тілшісі.
Біз бірыңғай уақыт белдеуіне бекерден-бекер ауысқан жоқпыз. Еліміздің аумағының көп бөлігі 5-ші уақыт белдеуінде орналасқан, сондықтан ғылыми тұрғыдан бұл дұрыс шешім. Сауда және ақпарат министрліктеріне неғұрлым түсінікті ақпараттық-түсіндіру науқанын жүргізуді тапсырамын,- деді Премьер-министр Олжас Бектенов Үкімет отырысында.
UTC+5 уақыт белдеуі еліміздің халқының 76%-дан астамы тұратын (15 млн 240 мың адам) Астана, Алматы, Петропавл, Өскемен, Шымкент, Семей және Павлодар қалаларын қоса алғанда, 67,5-тен 82,5 градусқа дейінгі бойлықтарды қамтиды.