Өскемен мен ШҚО Өскеменде оқушының жол жүру картасын қайдан алуға болады?
Өскемен қаласындағы автобус пен трамвайларда жүруге арналған оқушылар картасы тек Жолаушылар тасымалын басқару орталығында беріледі
Оқушы картасы 7 жастан 15 жасқа дейін жарамды, 15 жасқа толғаннан кейін бұғатталады, деп хабарлайды Устинка LIVE тілшісі.
Картаны бірінші рет алу – тегін.
Оқушы картасын алу үшін туу туралы куәлік, мектептен анықтама қажет. Оқушы картасын тек қана Қазақстан, 154 мекенжайынан алуға болады, - деп ескертті "Жолаушылар тасымалын басқару орталығы" ЖШС. - Көлік картасын алған кезде артқы жағында көрсетілген нөмірді жазып, сақтап алу қажет (картада қалған теңгерімді қалпына келтіру үшін).
Карта жоғалған жағдайда баланстағы ақшаның сақталуы үшін картаны бұғаттау қажет. Бұл үшін WhatsApp 8-708-440-07-31 мобильді нөміріне картаның сырт жағында көрсетілген карта нөмірін, "бұғаттаңыз, карта жоғалды" деп жазу керек.