Өскемен мен ШҚО Өскемен тұрғыны көлік жолымен жүріп видео түсірген
Облыс орталығындағы көлік ағыны қатты даңғылдардың бірінде қос тұтас сызықты басып келе жатқан оны біреу арнайы видеоға түсіріп жүрген
Тәртіп бұзушы видеоны өзінің Instagram парақшасында жариялаған, деп хабарлайды Устинка LIVE тілшісі.
Заңбұзушылықты байқаған қала тұрғындары бұл әрекетті бейжай қалдырмады. Оның жарияланымын бірнеше желі қолданушылары құқық қорғау органдары жедел ден қоюы үшін ШҚО Полиция департаментінің Instagram парақшасына direct-ке жолдаған.
Кадрларда іс-әрекетімен өзінің де, өзгенің де өмірін қауіп-қатерге тігетінін түсінбей, ережені өрескел бұзған әйел адамның жол ортасында қоссызықты жолақ бойымен жүріп бара жатқаны бейнеленген, - деп мәлімдеді ШҚО ПД баспасөз қызметі. - Полицейлер жол жүрісі қағидасын бұзған Өскемен қаласының 32 жастағы тұрғыны мен оның операторын анықтап, әкімшілік жауапкершілікке тартты. Сонымен қатар, тәртіп сақшылары алдағы уақытта осындай жағдайлардың алдын алу мақсатында профилактикалық әңгіме жүргізді.