ШҚО-да мемлекеттік мекемелердің басшылары атынан ашылған фейк парақшалар көбейген

ШҚО әкімдігі бұл алаяқтардың ісі екенін, халыққа аса сақ болуды ескертеді, деп хабарлайды Устинка LIVE тілшісі.

Соңғы уақытта әлеуметтік желілер мен мессенджерлерде орталық және жергілікті мемлекеттік мекеме басшылары атынан фейк парақша ашып, түрлі сылтаумен (көбінесе қарызға ақша алу) көмек көрсетуді сұрап, хабарлама жіберген жағдайлар көбейіп кетті, - деп хабарлады ШҚО әкімдігінің баспасөз қызметі. - Осы орайда алаяқтардың арбауына түспеулеріңізді және осындай хабарлама алған жағдайда құқық қорғау органдарына хабарласуыңызды сұраймыз.