Миллионерлер COVID-19 салдарынан салықты көтеруді өздері ұсынды

83 миллионерден құралған топ бірнеше елдердің үкіметіне мұқтаждарға көмектесу үшін, сондай-ақ әлі күнге дейін пандемия салдарынан зардап шегіп жатқан экономиканы көтеру үшін оларға қатысты салықтарды арттыру туралы сұрап хат жазды, деп хабарлайды Новости РАА сайты.

Хатта миллионерлер өз ақшаларының "біздің әлемімізді емдеуде" шешуші рөл атқаратынын атап өтті.

- Біз қарқынды терапия палаталарында науқастарды күтпейміз, науқастарды ауруханаларға алып келетін жедел жәрдемді жүргізбейміз, азық-түлік дүкендерінің сөрелерін толтырмаймыз және есіктен есікке дейін тамақ жеткізбейміз. Бірақ бізде ақша бар және ол көп, - деп жазады авторлар.

Миллионерлер хатта пандемия салдарынан "жарты миллиард адам кедейлердің қатарын толықтыра алады" деп атап өтті. Кәсіпорындар жабыла бастаған және көптеген адамдар жұмыссыз қалуы мүмкін уақыт келеді.