Әлем Хакерлер Ұлыбританияның Ресейге қарсы жүргізілетін мемлекеттік бағдарламасының мәліметтерін жариялап жіберді
Anonymous хакер тобы Ұлыбританияның Ресейге қарсы "гибрид соғысының" құпиясын ашып тастады
"Интегральды инициатива" деп аталатын бағдарламада Англияның Ресейде ақпараттық соғыс жүргізу үшін 1 млн фунт стерлинг бөлінгені айтылған. Ал жыл сайын Ұлыбритания билігі Ресейде кәсіби саяси өкілдерді дайындау үшін 2 млн фунт стерлинг жұмсайды екен.
Ал саяси өкілдердің міндеті – Ресей үкіметіне қарсы теріс көзқарасты қалыптастырып, әлеуметтік желіде ақпарат тарату.
Аталған бағдарламада Алексей Навальныйдың жақтасы, кәсіпкер, Жемқорлыққа қарсы күрес қорының бұрынғы директоры Владимир Ашурков, Hermitage Capital қорын құрып, Ресейде алаяқтықпен ұсталған Уильям Браудер, мемлекетке опасыздық жасаған Игорь Сутягиннің есімі аталған.
Британия аталған бағдарлама аясында Испания, Франция, Германия, Италия, Греция, Нидерланды, Литва, Норвегия, Сербия мен Черногория елдерінде де ақпараттық соғыс жүргізуді қолдайтыны белгілі болды.
