Өскемен мен ШҚО Өскеменде түнге дейін жұмыс істейтін пошта бөлімі ашылды
Енді өскемендіктер поштаға жұмыстан кейін де асықпай барса болады
Қазақстан көшесі, 67-үйде орналасқан №19 пошта бөлімі енді түнге дейін жұмыс жасайтын болды.
Бұл пошта бөлімі бұрын сағат 20.00-де жабылатын болса, енді жұмыс уақыты ұзартылып, сағат 22.00-де жабылатын болды. Ал сенбі мен жексенбі күндері сағат 10.00-ден 19.00-ге дейін жұмыс істейді.
- Бізге адамдар көп келеді. Қазір бөлімге AliExpress, Joom сынды ғаламтор дүкендерінен де заттар келіп жатыр, оны алуға келгендердің саны мүлдем көп. Поштаның барлығын беріп бітіру үшін жұмыс уақытын созу туралы шешім қабылданды. Бірақ поштаны алу мен беру бөлімі мен бір касса ғана түнге дейін жұмыс жасайды, - дейді байланыс операторы Асыл Қалиасқарова.
Ал поштаның қалған кассалары, әдеттегідей, сағат 9.00-19.00 аралығында жұмыс істейді. Ал сенбі күні сағат 9.00-16.00 аралығында ашық болады.