Әлем Египет Нілсіз қалуы мүмкін
Егер Египет пен Суданды сумен қамтып тұрған өзеннің бойына Эфиопия тоған тұрғызса, екі елдің күйі ауырлай түспек
Эфиопияда «Қайта дүниеге келу» деп аталатын тоған құрылысы басталып кеткен, деп хабарлайды РИА Новости сайты. Болжам бойынша, құрылыс жұмыстары жуықта аяқталып, 2018-19 жылдары алып су қоймасын толтыру үшін өзен арнасы жабылады. Мұндай жағдайда Египет пен Судан ауыз судың негізгі көзінен айрыладын.
Көп жылдан бері жалғасып келе жатқан келіссөздер әрқашан тығырыққа тіреліп тұрды. Бірақ Египет президенті Абдель Фаттах ас-Сиси сенімін жоғалтар емес.
- Египеттіктерге Ніл суының бізге тиесілі бөлігіне ешкім қол тигізбейтініне сендіремін, - дейді ол 2017 жылы сөйлеген сөзінде.
Оны Египет премьер-министрі Шериф Исмаил да қолдап отыр.
Алайда мамандардың айтуынша, тоған құрылысын тоқтататындай Каирде еш қауқар жоқ. Эфиопияға қарапайым саяси қысым еш нәтиже бермей келген.
Следующая →
