Әлем БҰҰ әлемде нашақорлықтың белең алатынын ескертеді
2017 жылы Ауғаныстандағы есірткі өндірісінің өсуі мен оны тоқтатуға бағытталған шараларды жасамау бұл тауар нарығының кеңеюіне алып келуі мүмкін.
Бұл туралы ТАСС агенттігіне, БҰҰ Бас хатшысының орынбасары және БҰҰ есірткі және қылмыс басқармасының атқарушы директоры Юрий Федотов хабарлаған. Федотов 2017 жылғы Ауғаныстандағы опиум өндірісінің жайы туралы арнайы баяндама оқыған.
Баяндама бойынша, 2017 жылы Ауғаныстанда өсірілген опиум көкнәрі 63 пайызды, яғни, 328 мың гектар жерді жалмаған. Ел тарихында алғаш орын алған мұндай көрсеткіш 9 мың тонна опиум өндіруге түрткі болуы мүмкін. Федотов айтып өткендей, «ауған билігі көкнәрді жою жұмыстарын мүлдем жүргізбеген немесе өте аз қамтыған».
- Бұл жағдай өте үлкен бақылауды талап етеді, себебі оның зардабын ескеру керек. Әлемде опиоидті қолдану деңгейі қалыпты болып келген. Ал нарыққа жаңа партияның келуі оның сатылымын кеңейтіп, жаңа нарықтар қалыптастыруы мүмкін, - дейді Федотов. - Мұнымен қоса наркодилерлер жаңа нарыққа қол жеткізу үшін және жаңа адамдарды тарту үшін есірткілерді арзан бағамен сатулары ықтимал. Бұл әлемнің көптеген нүктелеріндегі нашақорлықты кеңейте түсуі мүмкін.
