Әлем Оңтүстік Корея ядролық қару жасамайды
КХДР елі төндіріп тұрған қауіпке Сеул бұлай жауап бермейді
Солтүстік Корея тарапынан төніп тұрған қауіпке қарамастан Оңтүстік Корея ядролық қару жасаудан тас тартады. Бұл туралы Оңтүстік Корея президенті Мун Чжэ Ин парламентке мәлімдеді.
- Солтүстік Кореяның ядролық держава болуға бағытталған барлық күші мен мүмкіндіктері қабылданбайды. Сол сияқты біз де ядролық қару жасамаймыз, иемденбейміз, - дейді президент.
КХДР алтыншы мәрте қуатты ядролық сынақ өткізген соң оңтүстіккореялық БАҚ пен оппозициялық саясаткерлері американдық тактикалық ядролық қаруды қайтаруға шақырды. Ол қару 90-шы жылдары түбектен алынып тасталған болатын.