Әлем Елизавета ІІ сапары жайында құрастылған жасырын мәліметтердің ұрлануына байланысты тергеу басталды
76 папкадан тұратын карта, жасырын ақпарат бар жазылған флешка көшеден кездейсоқ табылған. Хитроу әуежайының қызметкерлері ақпараттардың ұрлануы мүмкін деген деректі тексеруде.
Лондондағы Хитроу әуежайы британ ханшайымы Елизавета ІІ, Ұлыбритания үкіметінің мүшелері мен шетелдік делегациялардың жүрген жолдары туралы жасырын ақпараттың қолды болуы туралы ауқымды тергеу жұмыстарын бастады. Британдық The Sunday Mirror газеті хабарлағандай, 76 папкадан тұратын USB-флеш-тасымалдаушы Лондон көшесінен табылған.
Оны тауып алған ер адам кітапханадағы компьютерге қосқан. Қолына құнды ақпараттардың түскенін түсініп The Sunday Mirror редакциясының қызметкерлеріне хабарласқан. Басылымның айтуынша, 2,5 гигабайт құжат шифрланбаған, оларды ашу үшін, тіпті, құпиясөз де қажет болмаған.
Құжатта әуежайға ықтималды террористік шабуыл барысында полиция полициясының жұмысы туралы ақпарат, бейнебақылау камераларының орны, шығу жолдары туралы деректер жеткілікті.
Қазіргі уақытта құқыққорғау органдары мен Хитроу күзет қызметі бұл ақпараттардың кездейсоқ жоғалғанын не қасақана көшірілгенін анықтауда.