Әлем АҚШ Солтүстік Кореяға жаңа санкция жариялады
Санкция бойынша КХДР елінің жеті азаматы мен үш компаниясына АҚШ-қа енуге тыйым салынды.
Адам құқығын бұзу, зорлықпен еңбекке салу және пана іздеушілерді қудалау фактілері бойынша АҚШ КХДР елінің жеті азаматы мен үш компаниясын санкциялық тізімге алды. Бұл туралы АҚШ қаржы министрі Стивен Мнучин хабарлады.
- Бүгінгі санкциялар солтүстіккореялық режим әскери қызметкерлері мен шенеуніктеріне бағытталған. Олар адам құқығын аяққа таптағандары үшін жауапты, - дейді мәлімдемеде.
Жаңа тізімге КХДР Әскери қауіпсіздік департаменті басшысы мен орынбасары, Халықтық қауіпсіздік министрлігінің бірінші вице-министрі, Еңбек министрі, Шаньяндағы Солтүстік Корея бас конссулы, Вьетнамдағы Солтүстік Корея елшілігінің дипломаты кірді.
