Каирде сегіз лаңкестің көзі жойылды
Египет полициясы Каирдегі арнайы операциясы кезінде сегіз лаңкестің көзін жойды. Бұл туралы жексенбі күні "Аль-Ватан" басылымы хабарлады
Газет сілтеме жасап отырған құқық қорғау органдарының ақпараты бойынша, құқық қорғаушылар арнайы қызметтің деректеріне сәйкес, лаңкестік топтардың мүшелері болған астаналық Агуза ауданындағы пәтерді қоршап, басып алды.
Атыс болып, пәтерде болған барлық лаңкестік топтардың мүшелерінің көзі жойылған. Сондай-ақ, атыс салдарынан бес полиция офицері жарақат алған.