Әлем Қырғызстан президенті латын әліпбиіне көшу бұрынғы КСРО халықтарын алыстатады деген пікірде
Қырғызстан президенті Алмазбек Атамбаевтың ойынша латын әліпбиіне көшу бұрын КСРО құрамында болған түркі тектес халықтарды біріктірмейді
- Біртіндеп латын әліпбиіне көшу елдерді біріктірмейді, керісінше арасын ажырата түспек, - деп мәлімдеді мемлекете басшысы.
Оның айтуынша, 1930 жылдары Түркістан халықтары арабтан латын әліпбиіне көшті, ал кейін бірден кириллицаға ауысқанда халық өзінің жазба әдебиеті мен тарихынан айырылды. Яғни, ата-бабасы араб және латын тілдерінде қалдырған жазбаларды оқи алмайтын дәрежеге жетті.
Қырғызстан президентінің ойынша КСРО құлағаннан кейін тарих қайта қайталанады, бірақ керісінше: Әзербайжан, Түркменстан елдері латын әліпбиіне ауысып қойған болса, Өзбекстан енді ауысады, ал Қазақстан жақында ғана бұндай шешімге келді.
- Біз татар, башқұрт, айлтайлықтар, хакас сынды ұлттарды ұмыт қалдырдық. Олар әрі қарай да кириллицаны қолдана бермек. Ал біз бірлесе отырып, өзімізге ортақ ата-баба тілін қайта жандандырып, байыта түсер едік. Олар бәрінен бұрын біздің қолдауымызға зәру, - деді Атамбаев.