Түркия екі мыңға жуық қазақстандыққа елге кіруге тыйым салды

Баяндамада халықаралық лаңкестіктің таралуымен күрес бағытында Түркия үкіметі қабылдаған шаралардың қатарында террорлық ұйымдармен байланысты тұлғалардың ел аумағына келуін болдырмау мақсатын көздейтін тәуекелдерді сараптау бөлімшесін құру шарасы бар екендігі хабарланған.

Аталған тізімге 146 мемлекеттен жалпы саны 53 781 адам енген.

Түркия Республикасының аумағына өтуге тыйым салынған тұлғалар қатарында 1914 қазақстандық, 4128 ресейлік азамат, 2651 тәжік, сондай-ақ, 1677 әзербайжандық тұрғын бар. Тізімде ең көбі Сауд Арабиясының азаматтары (7523), ал, еуропа елдерінен - Франция (2622).