Әлем Жапония Солтүстік Кореяға мұнай тасымалын тоқтату керектігін айтуда
Жапония үкіметі Солтүстік Кореяға мұнай өнімдерін тасымалдауды тоқтату арқылы аймақтағы жағдайды реттеуге болатындығын айтып, пікір білдірді
- Бұл мәселеге келгенде біздің ұсынысымыз - біреу. Біз Солтүстік Кореяға мұнай тасымалын тоқтату қажет деп есептейміз, - дейді министрлер кабинетінің бас хатшысы Ёсихидэ Суга.
Алайда, Суга Гамбургте өткен жиырмалық саммитінде аталмыш мәселе көтерілген-көтерілмегенін айтып бере алмады.
- Бұл жерде премьер Абэнің аймақтағы жанжалды шешуде Қытайдың рөлі басым екендігін айтқанын ғана білемін, ал қалғаны ішкі саясаттың мәселелері. Оны айтуға менің құқым жоқ, - деді бас хатшы.
Бұған дейін жапондық "Никкэй" іскери газеті премьер-министр Абэнің 8 шілде күні болған G20 саммитінде Қытай басшысы Си Цзиньпиннен Солтүстік Кореяға мұнай өнімдерін тасымалдау тоқтату туралы өтініш айтқанын жазған болатын.