Әлем «Астана-5-ке» барлық қатысушылар делегациясы келді
Сирия бойынша Астанада өтетін кезекті келіссөз раундына қатысушылар Қазақстан астанасына келді. Олардың қатарында сириялық қарулы оппозиция делегациясы да бар
- Қазіргі уақытта астаналық үрдіс аясында келіссөзге қатысушылар Астанаға келді. Соның ішінде сириялық қарулы оппозиция өкілдері де бар, - дейді Қазақстан СІМ баспасөз қызметінің жетекшісі Ануар Жайнақов.
Оның айтуынша, Сирия бойынша келіссөз үрдісі Астанада екі жақты делегацияның кездесуімен басталады.
- Бүгін делегациялар екі жақты форматта келіссөз жүргізеді. Ертеңге пленарлық отырыс жоспарланған, - деді А. Жайнақов.
