Әлем Қазақстанда АҚШ салған әскери нысан жоқ – ҚР Қорғаныс министрлігі
АҚШ Қазақстанға әскери казарма салуға және оқу-жаттығу орталықтарын ашуға көмектесетін болады
Қазіргі уақытта АҚШ елі Қазақстанға «Бейбітшілік атынан серіктестік» атты оқу орталығы (Алматы қаласы) мен Алматы қаласындағы әскери-тұрғын үй қоры нысанын салуға көмектесетін болды. Бұл әскери нысандарда арнайы жасақтар дайындалатын болады.
Қорғаныс министрлігінің айтуынша, бұл оқу-жаттығу базасында халықаралық семинарлар мен оқу-жаттығу шаралары өтеді. Бұған алыс-жақын шетелдік әскери қызметкерлері қатыса алады.
Сонымен қатар, министрлік Қазақстан жерінде АҚШ-тың ешқандай әскери нысаны жоқ екендігін айтты.
Айта кетейік, бұған дейін Ресей сенаторлары Қазақстанға АҚШ-тың әскери ықпалы күшейіп келе жатқандығын айтқан болатын. Сонымен қатар РФ Қорғаныс министрі Сергей Шойгу Қазақстанның АҚШ қоладуымен салынған әскери нысандарды көрсетуге әзір екендігін жеткізгендігін айтады.
- Бұл орталықтарды жақын уақытта біздің мамандарға Қазақстандағы әріптестерім көрсетеді деп сенемін, - деді С.Шойгу.