Әлем Германия әскери офицер халықты бүлік шығаруға шақырды деп айыпталуда
Германия әскери барлаушылары 15 мамырдан бері майор шеніндегі әскери офицерін Қорғаныс министрі Урсула фон дер Ляйен төңірегіндегі дауды пайдаланып, ел ішінде бүлік шығармақшы болды деп айыптап отыр
- Менің көзқарасым бойынша, қазіргі қорғаныс министрінің ел алдында еш абыройы қалмады. Мен 200 әскери қызметкердің күдіктіге саналғанына төзе алмаймын. Бұл жайында ашық айтуымыз қажет не көтеріліс жасау керек, - деп мәлімдеме жасаған әскери қызметкер.
Әскери қызметкердің куәлігі жазылған хаттамасымен Германия Қорғаныс министрінің статс-хатшысы Герд Хофе танысқан. Әзірше Будестагқа еш хабар жеткен жоқ. Сондықтан майорға қатысты қылмыстық істің нәтижесі де шыққан жоқ.
Қорғаныс министрі фон дер Ляйеннің төңірегіндегі дау-дамай офицер А.Франконың өзін босқын ретінде құжаттарын рәсімдеп, мемлекеттен көмек ақша алып отырғаны белгілі болған сәттен басталған еді. Бұл сәуір аяғының соңында орын алған болатын.
Герман прокуратурасының ойынша, аталмыш офицер Германия аймағында террористік акті жасауға ниетті болған.
Нәтижесінде Қорғаныс министрі әскери басшыларға ашық хат жазып, барлығына сөгіс жариялаған болатын. Ал аталмыш хат әскери қызметкерлер тарапынан үлкен сынға ұшырады.
