Әлем АҚШ соты афроамерикалықты өлтірді деп айыптаған полиция қызметкерін ақтады
Оклахома штатының соты қарусыз афроамериалықты өлтірді деп айыптаған әйел қызметкерді ақтап алды
Тәртіп сақшысы Бетти Шелби қара нәсілді Теренса Кратчерді өлтірді деп айыпталған болатын. Оқиға 2016 жылы 15 қыркүйек күні орын алған.
Ер адам үйіне қайтып бара жатқан, алайда автокөлік шоссесінің бойына келіп, көлік қозғалтқышын сөндірмей ұзақ уақыт тоқтап қалады. Машинаның ұзақ тұрғанына күдіктенген полицейлер, оның ішінде Шелби де бар, келіп ер адамға қолын көтеруін өтінеді. Алайда ер адам бұйрықты тыңдамай, көлік салонынан еңкейіп бір нәрсе алмақ болған. Күдіктенген полицейлер бірден электрошокер қолданған, ал бұл уақытта Шелби болса табельді қарумен атып үлгерген.
Ал 2016 жылы қазан айында медициналық экспертиза қорытындысы шығып, ер адамның қанында галлюциногенді дәрілердің қалдығы табылған. Бұл дәрінің адамға шектен тыс қуаныш сыйлайтындығы, өзіне сенімділігін күшейтетіндігі, әртүрлі еліктіргіш сезімге бөлейтіндігі белгілі болған.
