Әлем Еуропарламент басшысы Brexit-ті шегеруге болатынын айтты
Антонио Таяни Ұлыбританияның Еуроодақ мүшесінде қалу шешімін құптар еді
Еуропарламент президенті Антонио Таяни Guardian-ға берген сұхбатында уақытынан бұрын өтетін парламент сайлауында британдықтар жаңа үкімет таңдаса Ұлыбританияның ЕО мүшелігінен шығу үрдісін тоқтатуға болады дейді.
Егер сайлаудан кейін Ұлыбритания 50 бапты қайтарып алатын болса, рәсім тіптен жеңіл болады, - дейді саясаткер.
Ол сонымен қатар, Британияның ЕО мүшелігінен шығудан бас тарту туралы шешімін қуана қарсы алатынын айтты.
Егер Британия қалғысы келсе, бұл бәріне тиімді болар еді, Мен шын қуанар едім, - дейді Таяни.
Естеріңізге саламыз, Ұлыбритания Премьер-министрі Brexit-тен кейінгі қозғалысты созуға дайын.
