6 сәуірге арналған әлемдік жаңалықтардың таңғы реті

Оңтүстік Корея 800 шақырымдық баллистикалық ракетаны сынақтан өткізді

Сынақ Анхын сынақ алаңында елдің Қорғаныс министрі Хан Мин Гудің қатысуымен өтті.
Оңтүстік Корея әскери қызметкерлерінің айтуынша «Хенму» ракетасы бүкіл КХДР төңірегін алып, оның кез келген нысандарына соққы бере алады.
Бұл сынақтар жуықта ракета жіберген Солтүстік Кореяға жауап ретінде өтіп отыр. Орта қашықтықтағы ракет Жапония теңізіне 60 шақырым жерге түсіп, ешқандай соққы күшін көрсетпеген. Токио болша шешімді түрде наразылық білдірген.

Ресей БҰҰ Қауіпсіздік кеңесіне Идлибтегі химиялық қаруға қатысты қарар енгізді

Ресей БҰҰ Қауіпсіздік кеңесінің қарауына сириялық Идбли провинциясында химиялық қару пайдаланылды деген оқиғаны тергеу бойынша қарар жобасын ұсынды.
БҰҰ жанындағы РФ өкілінің баспасөз хатшысы Федор Стржижевскийдің айтуынша, жоба ресей жағы салғырттығы үшін сынға алған батыс әрекетінің орнына ұсынылды.
Сириялық оппозицияның бақылауындағы Идлиб провинциясының Хан-Шейхун қаласына химиялық қару пайдаланылыпты-мыс соққылардың нәтижесінде, Сирияның революциялық және оппозициялық күшінің Ұлттық коалициясының ақпаратынша 80 адам қаза тауып, 200 адам жарақат алған. Оппозиционерлер болса, бұған Сирияның үкіметтік әскерін кіналауда.

Венесуэла парламенті жоғарғы соттарды қызметінен босатуды бастады

Венесуэлада саяси дағдарыс жалғасуда. Ел парламенті Жоғарғы сот қызметкерлерін қызметінен босатуды бастады.
Депутаттардың айтуынша, соңғы уақытта Жоғарғы сот конституцияға қайшы келетін 60 шешім шығарған және ассамблеяның шешімдерін құрметтемейді.
- Жоғарғы сот қызметкерлері қызметтерінен кетулері керек. Барлық конституциялық кепіл қалпына келуі керек. Демократия шынайы болуы керек, - деді қарсыласушы Альфредо Гарсия.


Астраханда белгісіз біреулер Ресей гвардиясына шабуыл жасады

Қылмыскерлер құқыққорғаушыларға көліктен оқ жаудырған. Қызметкерлердің бірі ауыр халде жатыр. Өңірлік ІІДБ хабарлағандай, шабуыл кезінде Ресей гвардиясының қызметкерлері екі полицияның өлтірген қылмыскерлерді іздеп жүрген.
- Астрахандағы екі полиция қызметкерлерін өлтіргендерді жедел іздестіру шаралары барысында кедергілік бекеттер орнатылған. Ленин айдандық бекеттердің бірінде Ресей гвардиясының үш жауынгері жарақат алды, - дейді мекеме.
Алдын ала жасалған нұсқалар бойынша, қылмыскерлердің саны үшеу болған, бірі қаза тапқан. ІІМ Ресей гвардиясының бекетіне шабуыл жасағандар Астрахан полиция қызметкерлерін өлтіргендер болуы мүмкін екенін айтады.

Катар ӘЧ-2022 нысандарының құрылысына құлдар еңбегін пайдаланады

2022 жылғы футболдан әлем чемпионатының стадион алаңдарының құрылысына Катар елі құлдар еңбегін пайдаланбақ. Бұл туралы Reuters агенттігі британдық Impactt Ltd консалтингтік фирмасының жүргізген зерттеу қорытындыларына сілтеме жасай отырып хабарлады.
Басылым 148 күн қатарынан жұмыс істеген үш жұмысшының әңгімесін келтіреді. Мұнымен қоса олардың жұмысшы куәлігін тартып алғандықтан, олар үйлеріне қайта алмаған.
Үндістан, Непал және Бангладештен шыққан жүздеген жұмысшылар кедейшілікте өмір сүріп, шөлден зардап шеге жүріп күніне 18 сағат демалыссыз жұмыс істеген.
2022-ӘЧ Ұйымдастырушылық комитетінің басшысы Хасан аль-Тавади жетекшілік тексерушілердің барлық ұсыныстары мен тілектерін ескеретінін айтқан.