Оңтүстік Кореяның Конституциялық соты президент бойынша шешімін 10 наурызда хабарлайды

Егер сот Оңтүстік Корея парламентінің Пак Кын Хеге деген сенімсіздігін қолдаса, ол өз қызметінен шеттетілііп, 60 күннің ішінде президент сайлауы өткізіледі. Ал егер керісінше болған жағдайда, билік қайта беріледі.

Сот отырысынан тікелей көрсетілім жергілікті уақыт бойынша 11.00-де (Астана уақыты бойынша 08.00) басталады.

Пак Кын Хеге қатысты дау елдегі БАҚ оны ел билеу тізгінін, ұлттық қорғаныс және қауіпсіздік туралы шешімді құрбысы Чой Сун Сильге берді деп айыптағанынан басталды. Чой Сун Силь мен президенттің екі көмекшісіне бірнеше айып тағылды.