Уақытша тіркеу 2 айдан соң тексеріледі

Жыл басынан бері 240 мың адам уақытша тіркеуге отырды. Қызметтің онлайн түрін 3 500 аса адам қолданған. Уақытша тіркелмеген тұрғындарды тексеру және оларға айыппұл салу наурыз айының ортасынан басталады. Бұл туралы ҚР Миграциялық полиция департаментінің басшысы Серік Саинов хабарлады. 
-  Қазақстандықтарға уақытша тіркелуге берілетін уақыт 2 айға созылды.  ІІМ әзірге толықтай тексеру жүргізуге дайын емес. Өйткені Заңнама базасына әлі де өзгерістер енгізілуде, - деді ол. 
Наурыз айының ортасына дейін уақытша тіркелмеген тұрғындар 16 мың теңге көлемінде айыппұл төлейтін болады. Бір жылдың ішінде бұл заңды тағы бір мәрте бұзса, төленетін айыппұл мөлшері екі есеге өседі. 
Айта кету керек, жұмыс орны бойынша уақытша тіркелу енді мүмкін емес.  

Ақерке Ақылбекқызы