Трамп штабы Клинтондардың жүздеген миллион қаржыны қалай тапқандарын айтып беруге уәде берді

Республикалық партия атынан АҚШ президенттігіне үміткер Дональд Трамптың көмекшісі Джейсон Миллер Клинтон отбасының ауқаттылығына күмән келтіріп, олардың кіріс көзін анықтауға уәде берді. «Клинтондар Ақ үйден кеткен кезде ипотекалық қарыздарын төлей алмаған кедейлер болған, олар ештеңе ойлап тапқан жоқ, лотореяны ұтқан жоқ, заңды жұмыстың бір сағатына да төлем алған жоқ, соған қарамастан олардың есепшотында бірнеше жүз миллион доллар бар», - дейді Миллер. Еске саламыз, осыған дейін Трамптың өзінің қаржы көздері күманға іліккен болатын. Америкалық The New York Times басылымы 1995 жылы Дональд Трамп 916 млн долларлық шығынды декларациялап, 18 жыл салық төлемей келген деген материал жариялаған. Нью-Йорктың бұрынғы мэры мен миллиардердің көмекшісі Рудольф Джулиани Трампты бұл шешімі үшін данышпан атаған.