Әлем Өзбекстан президенті ауруханаға жатқызылды
И. Каримовтың сырқаты жайлы ресми ақпарат жоқ. Дегенмен БАҚ мәліметтері бойыша, Елбасы инсульт алған
Өзбекстан министрлер кабинеті жексенбі күні таратқан ақпаратта Ислам Каримов қазіргі таңда тұрақты ем қабылдап жатыр делінген.
Толық медициналық тексеру мен ары қарайғы ем-домға біраз уақытты қажет ететіндігі де көрсетілген.
Ал "Фергана.Ру" агенттігі сенбі күні Елбасының Дурменьдегі резиденциясы тәртіп сақшылары мен арнайы қызметтің үш есе жасағымен қоршалғандығын жазған.
Сонымен қатар басылым өзінің Ташкенттегі ақпарат көздеріне сілтеме жасай отырып, Ислам Каримов түнде инсульт алғанын да хабарлаған.
«Жүрек талмасының деңгейі әзірге белгісіз. Тек Ташкентке шет елден атақты дәрігерлердің жеткізілгендігі мәлім», - деп жазды "Фергана.Ру".
