Әлем Финляндияда қабылдау орталықтарынан қашқан 2,5 мың босқын іздестірілуде
Финляндия билігі қашқындарды қабылдайтын орталықтан жаппай қашудың салдарын анықтап жатыр, – деп хабарлады аталған мемлекеттің канцелярия басшысы Пяйви Нерг
Фото:
rusila.su
- Бұл жағдай алаңдатушылық туғызуда. Қабылдау орталығынан қашудың себебін анықтау қауіпсіздік мәселесімен айналысатын еуропалық шенеуніктердің барлығына да негізгі мәселе болып отыр, - деп мәлімдеді сәрсенбі күні Yle телерадиотарату порталына берген сұхбатында П. Нерг.
Сондай-ақ ол қауіпсіздік мәселесімен айналысатын биліктегі азаматтар қашқындарды қылмыстық жаққа қарай тартып алулары немесе сол мақсатта пайдаланулары мүмкін деп отырғандығын да қосты.
-Біз оларды шекара асты деп сенімділікпен айта да алмаймыз. Финляндиядан Еуропаға қарай бет алу өте оңай. Сондықтан біз барлық күшімізді салып оларды іздеп жатырмыз, - деді ол.
Орталық криминалдық полиция айтқандай соңғы уақытта қашқындарды қабылдау орталықтарынан екі жарым мыңнан астам пана сұраушылар жоғалған. 2015 жылы елге 32,5 мың қашқын келген.