Американың ядролық бомбасы Түркиядан Румынияға жіберілуі мүмкін

Анкара мен Вашингтон арасындағы қарым-қатынастың қылаң беруіне байланысты АҚШ-тың ядролық қаруы Түркиядан Румынияға көшіріледі. Американдықтар қаруды атышулы Инджирлик базасынан румындық Девеселу базасына көшіреді, деп хабарлайды Газета.ru.

Ресей Қорғаныс министрлігінің 4-ші орталық ғылыми-зерттеу институтының бұрынғы басшысы генерал-майор Владимир Дворкин Газета.ru-мен сұхбат кезінде Инджирлик авиабазасында қазіргі таңда 50 термоядролық бомбаның бар екенін айтқан. Басылым бұған дейін АҚШ қаруларды жаңғыртып, он екінші модификациялы В61 авиабомбаларын еуропалық базаға – Германия, Италия, Турция, Бельгия, Нидерландыда орналастыруға ниетті екендіктерін жазған.