АҚШ туристерін абай болуға шақырады

Amnesty International Америка Құрама Штаттарына баратын адамдарға «елдегі қару-жарақпен зорлық-зомбылықтың жоғары деңгейіне» байланысты қауіптер туралы ескертті.

- Amnesty International саяхатшылардв, бүкіл әлемдегі адамдарды Америка Құрама Штаттарына саяхаттаған кезде сақ болуға және төтенше сапар жоспарын құруға шақырады, - делінген ұйымның сайтында.

Туристерге көп адамдар жиналатын жерлерден аулақ болуға, сондай-ақ жергілікті барларда, түнгі клубтарда және казиноларда сақтық танытуға кеңес беріледі.

Ұйым сонымен қатар кейбір саяхатшылардың нәсіліне, туған еліне, этникалық шығу тегіне немесе жыныстық бағдарына байланысты елдегі қару-жарақ құрбаны болу қаупі жоғары болуы мүмкін екенін ескертті.