Оқиғалар Петропавлда жоғалған мемлекеттік қызметкердің мәйіті табылды
28 жастағы ер адамның мүрдесі Есіл өзеніндегі бөгеттің жанынан табылды, марқұмның туыстары өзімен бірге несиені өтеу үшін алып жүрген қомақты ақшасы болғанын айтады
Сағындық Салықов бесінші күні табылды, іздеуге полициядан басқа, құтқарушылар мен жүздеген еріктілер қосылды, деп хабарлайды КТК телеарнасының сайты.
Соңғы рет бейнебақылау камералары оны Есілдің жағалауына қарай бара жатқанын тіркеді. Денесінде зорлық-зомбылықтың белгілері табылған жоқ. Салықовтың қолында құжаттар мен ақшасы бірге жүр. Қазіргі уақытта дене сот-медициналық сараптамадан өтуде.
