Әлем Грузияда қызылша эпидемиясы жарияланды
Грузияда қызылша жұқтырғандардың саны 335-ке жетті
- Тұмаумен салыстырғанда бұл көрсеткіш өте аз, алайда қызылша індеті үшін көп. Сондықтан эпидемия ошағы пайда болды деуге негіз бар. Ал қызылшадан екпе жасату арқылы ғана қорғануға болады, - дейді Грузияның Денсаулық сақтау министрі Давид Сергеенко.
Министрдің сөзіне қарағанда, қызылшаға шалдыққандардың саны күн санап артып келе жатыр. Ауруға шалдыққандардың басым бөлігі 20-40 жастағы азаматтар. Елде 1990-жылдары екпе жасалмай қалған болатын. Бұл азаматтарға сол кезде екпе жасалуы керек еді.