Әлем Бразилияда шетел төлқұжатын беру тоқтатылды
Брализияның федеральды полициясы бюджет қаражатының жетіспеушілігіне байланысты тұрғындарға шетел төлқұжатын беруді тоқтатты
- Федеральды полиция 27 маусымнан бастап шетелге шығатын төлқұжаттарды дайындау жұмысын тоқтатты. Бұған миграциялық полицияға бөлінген бюджет қаражатының жетіспеушілігі себеп болды, - делінген құжатта.
Сонымен қатар полиция қызметінің өкілдері аталмыш мерзімге дейін тапсырыс берген азаматтардың төлқұжаты жасалатындығын айтты. Құқық қорғау органдары мәселені үкіметке жеткізген, алдағы уақытта шешілетіндігін айтуда.
Бразилияда Федеральды полициясы ел азаматтарының шетелге шығуына байланысты шетел төлқұжатын жасап береді. Аталмыш төлқұжатпен ғана ел азаматтары сыртқы мемлекеттерге бара алады.
Дегенмен, соңғы екі жылда Оңтүстік Американың ірі экономикасын құрайтын бұл елдің де экономикасы біраз қиыншылықтарды бастан өткеруде. Ресми мәліметтерге сенсек, елдің ЖІӨ 3,6%-ға төмендеген.
