ТҮРКСОЙ 2025 жылды – Нұрғиса Тілендиев жылы деп жариялады

Әзірбайжан Республикасының Шуша қаласында ТҮРКСОЙ-дың Тұрақты кеңесінің 40-шы отырысы өтті, деп хабарлайды Устинка LIVE тілшісі ҚР Мәдениет және ақпарат министрлігінің баспасөз қызметі ақпаратына сүйеніп.

Отырысқа ТҮРКСОЙ Бас хатшысы Сұлтан Раев, ұйымға мүше мемлекеттердің өкiлдерi қатысты. Ал Қазақстаннан Мәдениет және ақпарат министрлігі атынан Мәдениет комитетінің төрағасы қатысты.

Кеңестiң қорытындылары бойынша Шуша декларациясына қол қойылды, - делінген хабарламада. - Құжатта ұйымның негізгі даму бағыттары айқындалған. Сондай-ақ, 2025 жылға Түркі әлемінің Мәдени астанасы болып Қазақстанның Ақтау қаласы сайланды. Мұнымен қоса, ТҮРКСОЙ-дың атаулы жылдары аясында 2025 жыл – Нұрғиса Тілендиевтің жылы болып жарияланды.