Өскемендіктер Республика күнін қалай атап өтеді?

Қайта жаңғырған Республика күні биыл елімізде екінші жыл тойланады, деп хабарлайды Устинка LIVE тілшісі.

Былтыр мерекелер тізіміне енген бұл дата – елдегі жалғыз ұлттық мейрам. Биыл Республика күні сәрсенбіге түсіп тұр. Яғни 25 қазан күні қазақстандықтар демалады.

Ал өскемендіктер ұлттық мерекені бүгіннен бастап атап өтпек:

• 17 қазан сағат 19.00-де "Quiz" зияткерлік ойыны ("SEREBRO" мейрамханасы)
• 20 қазан сағат 15.00-де облыстық драма театрда танымал ғалым, қазіргі заманғы зерттеулер институтының директоры Мұхит-Ардагер Сыдықназарұлымен кездесу.
• Сағат 18.00-де "Қазақстанның Тарих толқынындағы үзіліссіз мемлекеттілігі. Қазақ мемлекеті XVI-XIX ғасырлардағы еуропалық және американдық карталарда" Қазақ хандығы карталарының көрмесі.
• 21 қазан сағат 11.00-де "Oskemen TALKS" (спикерлер - филология ғылымдарының кандидаты, Л.Н. Гумилев атындағы ЕҰУ "Алаш" ҒЗИ директоры Сұлтан Хан Аққұлұлы, "Asar Ume" қайырымдылық қорының менеджері Серік Қамбарбаев, фотограф, тревел-блогер Ержан Нурпейсов).
• Сағат 16.00-де  "Ертіс концерт" залында "Айбынды хан батыры - Көкжал Барақ" республикалық ақындар айтысы.
• 22 қазан сағат 17.00-де Б. Александров атындағы спорт сарайында "Торпедо" және "Құлагер" командалары арасындағы #RepublicDayKZ хоккей матчы өтеді.
• 23 қазан сағат 11.00-де "Менің туым" автошеруі. Өтетін орны: Әуезов көшесі, 5 мекенжайынан, Тәуелсіздік монументіне дейін аралықты қамтиды.
• 25 қазан сағат 11.00–де "OSKEMEN RUN" - "Қазақстан" тауына жаппай жүгіру. Тіркелу oskemenrun.kz сайты арқылы (сілтеме парақша профилінде).
• Сағат 10.00-де орталық алаңда ауылшаруашылық жәрмеңкесі; қала мейрамханаларының қатысуымен фудкорт; қала тұрғындарының арасында гір спорты, армрестлинг, штанганы көтеру бойынша жарыстар өтеді.
• Сағат 11.00-де Қазақстандық эстрада жұлдыздары мен қаланың шығармашылық ұжымдарының қатысуымен "ЖАСА, МЕНІҢ ҚАЗАҚСТАНЫМ!" атты күндізгі концерттік бағдарлама. Күндіз қазақстандық танымал топтардың бірі "Домино" тобы өнер көрсетеді.
• Сағат 18.00-дегі кешкі концертте қаланың шығармашылық ұжымдары және эстрада жұлдызы "Qanay" өнер көрсетеді.
• Сағат 21.00-де отшашу болады.