Әлем Жәнібек Әлімханұлы германиялық Гуальтьеримен жұдырықтасады
Қазақстандық боксшы спорттық мансабында алғаш рет басқа әлем чемпионымен біріккен жекпе-жек өткізеді
Қазақстандықтар айқасты жексенбі күні Qazsport телеарнасынан Астана уақытымен сағат 06.00-ден бастап тікелей эфирден тамашалай алады, деп хабарлайды Sports.kz сайты.
Ал кештің басты жекпе-жегі 09.00-де басталады.
Әлімханұлы-Гуальтери айқасы – Розенбергтегі (Техас штаты) Fort Bend Community Center аренасындағы бокс кешінің негізгі оқиғасы болмақ.
Айта кетейік, қос боксшының да жасы 30-да. Орта салмақтағы WBO чемпионы Әлімханұлы кәсіпқой бокста 14 айқас өткізіп, бәрінде жеңіске жеткен, 10 рет қарсыласын нокаутқа түсірген.
Гуальтьери де кәсіпқой бокста жеңіліп көрмеген былғары қолғап шебері. Оның қоржынында 21 жеңіс (7 нокаут) пен бір тең есеп бар.