Әлем Түркиядағы жол апатында жарақат алған қазақстандық ауруханада көз жұмды
Аланияда болған жол апатында екі қазақстандық турист зардап шегіп, ауруханаға жеткізілген болатын
Сыртқы істер министрлігінің баспасөз қызметі бүгін туристердің бірі қайтыс болғанын хабарлады, деп хабарлайды Zakon.kz.
Ол ауыр жарақат салдарынан бүгін таңертең ауруханада дүние салды. Қайтыс болған Қазақстан Республикасы азаматының ұлы бүгін Анталияға барды, ол қазір дипломаттардың жанында. Оған барлық қажетті көмек көрсетіледі, - делінген хабарламада,
Айта кетейік, кеше Аланияда қазақстандық туристер отырған шағын автобус жүк көлігіне соғылды. Автобус жүргізушісі мен гид болған украин азаматы оқиға орнында қаза тапса, екі турист ауыр жарақат алған. Автобус ішінде барлығы 12 Қазақстан азаматы болған, басқа 10 жолаушының жағдайы қанағаттанарлық.
