Қазақстан Құны 5,7 трлн теңгеге бағаланған кен орны мемлекет меншігіне қайтарылды
Оны экс-вице-министр Тимур Тоқтабаев қызметін асыра пайдаланып, аффилиирленген тұлғаларға аукционсыз берген
Сыбайлас жемқорлыққа қарсы қызмет бұрынғы Индустрия және инфрақұрылымдық даму вице-министрі Т. Тоқтабаевқа қатысты лауазымдық өкілеттіктерін асыра пайдалану фактісі бойынша сотқа дейінгі тергеуді аяқтады, деп хабарлайды Устинка LIVE.
Ол Қостанай облысындағы қатты пайдалы қазбалардың (никель және кобальт) ірі қорлары анықталған "Шевченковское" кен орнын барлау сылтауымен аффилиирленген тұлғаларға аукционсыз заңсыз берген деп айыпталуда, - делінген Антикордың телеграм арнасындағы хабарламада. - Нәтижесінде, оның бақылауындағы компания қол қою бонусының ең төменгі құнымен өндіруге дайын кен орнын алған.
Өзінің әлемдік қорлары бойынша бірегей никель және кобальт түріндегі қатты пайдалы қазбалар 100 млн тонна, 5,7 трлн теңге сомасына бағаланады.
Тергеу барысында қабылданған шаралармен аталған кен орны мемлекет пайдасына қайтарылған.
Қазақстан Республикасының Бас прокуратурасы айыпталушы Т. Тоқтабаевты сотқа берді.