Әлем Түркиядағы жетім қалған балалар қазақ киіз үйлеріне орналастырылды
Жер сілкіністерінің негізгі орталығы болған Қаһраманмарашқа қазақтар тіккен кіиз үйлер баспана ғана емес, балалардың лагеріне айналды
Мұнда жетім қалған және табиғи апаттан шошынып қалған балаларға арнап әр түрлі сауық кештер өтеді, деп хабарлайды Устинка LIVE.
Осы орайда айта кетейік, Түркияның Қазақстандағы елшісі Уфук Экичи жер сілкінісінен жетім қалған түркиялық балалар шетелге асырап алуға жіберілмейтінін айтқан болатын. Оның айтуынша, балалар қазір мемлекет бақылауында, мемлекет олардың жеке басын анықтап, құжаттарын қалпына келтіріп жатыр.
Зілзаладан жетім қалған түрік балаларына қазір психологиялық көмек көрсетіліп жатыр.
Бұл балалар басқа елдерге асырап алуға жіберілмейді. Олар Түркиядағы туыстарының отбасына орналастырылады. Патронат тәрбиеде 1858 бала бар. Олардың 200-інің жеке басы мен құжаттары әлі анықталған жоқ, - деді Уфук Экиджи.
