АҚШ-та жағалаудан 30 кг есірткі табылған

Келушілер тыйым салынған зат туралы бірден полицияға хабарлаған. Жалпы салмағы 30 келі болатын 31 пакет кокаин жағажайда қалай болғанын тәртіп сақшылары анықтап жатыр. Тергеу жүргізілуде, деп хабарлайды Tengrinews.kz сайты.

Қазір Алабама штатында тиісті шаралар енгізіліп, жағажайларда патрульдеу күшейтілді. Мұндай үлкен есірткі көлемін кім тасымалдағаны әзірге белгісіз. Бірақ полиция атап өткендей, Мексика шығанағы арқылы теңіз және әуе арқылы психотроптық препараттарды тасымалдау жиі кездеседі. Тәртіп сақшылары жылына кем дегенде бір рет тыйым салынған заттардың белгілі бір мөлшері табылып жататынын хабарлайды.