Әлем Континенталдық кубокты "Торпедо" ХК сенімді жеңіспен бастады
Өскеменнің "Торпедо" хоккей клубы Континенталдық кубоктың топтық кезеңіндегі алғашқы матчында Данияның "Хернинг Блю Фокс" командасын айқын басымдықпен жеңді
Ұлыбританияның Ноттингем қаласында өткен кездесу 6:2 есебімен аяқталды, деп хабарлайды Устинка LIVE тілшісі.
Өскемендік ұжым сапында Никита Колобов дубль авторы атанса, Михаил Рахманов, Максим Мусоров, Дмитрий Гренц және Илья Кляузов бір-бір шайбадан соқты.
"Торпедо" Еуропадағы ең беделді клубтық турнирлердің бірі саналатын Континенталдық кубокта еліміз бен Шығыс Қазақстан облысының намысын абыроймен қорғап, отандық хоккей мектебінің жоғары деңгейін тағы бір мәрте дәлелдеді.
Топтық кезең аясындағы келесі ойынын командамыз бүгін Францияның "Анже-Дакс" клубына қарсы өткізеді. Топ жеңімпаздары турнирдің алтын жүлдесі үшін күресті 18 қаңтарда жалғастырады.