Әлем Қайтарылған активтер есебінен 6 спорт нысаны салынбақ
Президент тапсырмасы бойынша Үкімет Арнайы мемлекеттік қор қаражатын спорт инфрақұрылымдарын дамытуға тартуда
Бұл туралы Үкімет отырысында ҚР туризм және спорт министрі Ербол Мырзабосынов айтты, деп хабарлайды Устинка LIVE тілшісі.
Министр Ақмола облысының Зеренді ауылында балалар мен жасөспірімдер спорт мектебінің құрылысы аяқталып, қазіргі уақытта үш нысан салынып жатқанын айтты. Олар – Астанадағы Қажымұқан Мұңайтпасов атындағы стадион, Алматы облысындағы спорт кешені және Көкшетаудағы көпфункционалды кешен.
Қазір жаңа 6 нысан бойынша өтінім жолданды. Олар – Түркістан облысы Бақыбек ауылы, Алматы облысы Шеңгелді және Заречный кенттері, Қостанай облысы Арқалық және Лисаков қалаларындағы, сондай-ақ Астана қаласындағы "Қазақстан" спорт кешені, - деді Ербол Мырзабосынов.
Жалпы 2025 жылдың 9 айында 35 спорт нысаны салынды. Жыл соңына дейін тағы 67 нысанның құрылысын аяқтау жоспарланған.
