Тарчизио Бертоненің басы дауға қалды

Жұрт табанын жерге тигізбей жүрген қардинал ауру бүлдіршіндерге берілген садақаға үйінің сәулетін арттырып, вип-терасса салдырып алған, деп хабарлайды  «ktk.kz телеарнасының» сайты.  «Эспрессо» басылымының мәліметінше, ақша «Иисус сәбилері» ауруханасының қайырымдылық шотынан алыныпты. Зәулім сарайдай пәтердің жөндеу жұмыстарына бас-аяғы 300 мың еуро жұмсалған. Кардиналдың өзі қаржыны қалтамнан шығардым деп ақталуда. Егер Бертоненің сырқат балалардың қайыр-садақасына қол салғаны дәлелденсе, кардинал ғана емес, бүкіл Ватикан діндарлары абыройдан жұрдай болғалы тұр.