Әлем Қазақстан бокс федерациясы World Boxing толыққанды мүшесі атанды
Бұл туралы Колорадо-Спрингс қаласында (АҚШ) өткен World Boxing халықаралық бокс федерациясының Конгресінде хабарланды
Бүгінде World Boxing (WB) ұйымына 55 ел кіріп отыр, деп хабарлайды Устинка LIVE тілшісі.
Айта кетейік, World Boxing халықаралық бокс федерациясы 2023 жылдың сәуір айында құрылған.
Конгресс барысында ХОК мақұлдаған WB Жарғысына енгізілген өзгерістер туралы пікірталас болды, - деп хабарлады Қазақстан бокс федерациясы. - Сонымен қатар, жарыс өткізу регламентіне де енгізілген өзгерістер қабылданды. Атап айтқанда, турнирлер жаңа салмақ дәрежелерінде өткізілетін болады. Сондай-ақ, төрешілердің жекпе-жек барысындағы және жеңімпаздарды анықтау кезіндегі жұмысына да өзгерістер енгізілді.
Конгресс барысында Қазақстан бокс федерациясы Лос-Анджелестегі Олимпиада ойындарына іріктеу турнирі ретінде 2027 жылғы бокс бойынша әлем чемпионатын өткізуге өтінім берді. Әлемдік ұйымның шешімі жақын арада белгілі болады.
